Ish-kryeministri shqiptar, Pandeli Majko, gëzon respekt të theksuar mes shqiptarëve të Kosovës dhe këtë respekt e ka forcuar sonte kur në një fjalim të tij në Prishtinë ka ftuar kosovarët që t’i hapin kufijtë mes dy shteteve shqiptare.
Majko, që në kohën e eksodit të madh gjatë luftës në Kosovë, ishte kryeministër i Shqipërisë, tha se atë botë, kur Shqipëria hapi kufirin për shqiptarët e Kosovës, askush nuk kërkoi pasaporta dhe s’ka përse të kërkohen dokumente as tani.
“Me një janar, në vitin 2018 ne shqiptarët e krahut tjetër po ju presim t’i hapim kufijtë. Le të bëjmë këtë veprim evropian”, ka thënë Majko, duke folur edhe në emër të kryeministrit aktual, Edi Rama, në forumin ekonomik të diasporës shqiptare, raporton televizioni publik.
Fjalimi i Majkos, tash ministër i Shqipërisë për Shqiptarët jashtë kufijve, është pritur me ovacione të mëdha në sallë.
Pos Majkos, në këtë organizim kanë mbajtur fjalime edhe kryeministri i Kosovës, Ramush Haradinaj e presidenti i Kosovës, Hashim Thaçi.
-
Majko: Rregullat e doganës po i vendos biznesi dhe jo Qeveria
-
Rama lavdëron Vuçiqin: Dha sinjal të qartë paqeje në raport me Kosovën
-
Rama: Shqipëria e gatshme për BE, Kosova i ka plotësuar të gjitha kriteret për liberalizim të vizave
-
Rama: Ballkani i Hapur s’është arsye për probleme mes Kosovës dhe Shqipërisë
-
Rama me kritika ndaj liderëve kosovarë, thotë se “Open Ballkan” është rrugë e njohjes nga Serbia