Lista Serbe nuk merr pjesë në zgjedhjet e 18 dhjetorit në veri

Lista Serbe ka bërë të ditur të martën se nuk do të marrë pjesë në zgjedhjet lokale që do të zhvillohen në katër komunat veriore.

Zgjedhjet e jashtëzakonshme në këto komuna pritet të mbahen më 18 dhjetor.

“Marrë parasysh vendimin e Prishtinës për mbajtjen e zgjedhjeve të jashtëzakonshme lokale në veri të Kosovës, duam të informojmë publikun se Lista Serbe nuk do të marrë pjesë në këto zgjedhje, e as qytetarët që e përkrahin partinë tonë, nga të cilët mbi 95% janë në këto zona”, thuhet në njoftim.

Presidentja e Kosovës, Vjosa Osmani, ka caktuar 18 dhjetorin si datë për zgjedhje të jashtëzakonshme për kryetarë të katër komunave veriore të Kosovës: Mitrovicë Veriut, Zubin Potok, Leposaviq dhe Zveçan.

Të katër komunat veriore kanë mbetur pa kryetarë, pas dorëheqjeve të kryetarëve nga radhët e Listës Serbe.

Edhe Arbëri 9 mar 2023 Lista Serbe nuk do të marrë pjesë në zgjedhjet lokale në veri të Kosovës

Krerët e Listës Serbe të martën janë takuar edhe me shefin e EULEX-it, Lars Gunnar Wigermark.

“Kryetari i Listës Serbe, Goran Rakiq, së bashku me nënkryetarin Igor Simiq, kanë diskutuar sot me shefin e EULEX-it, Lars Gunnar Wigermark, për situatën aktuale politike dhe të sigurisë në veri të Kosovës e M.”, ka shkruar Simiq në Facebook.