Dega e Lidhjes Demokratike të Kosovës në Podujevë i ka mohuar pretendimet se asamblisti i kësaj partie, Ekrem Rrahmani, ta tentuar ta sulmojë kryetarin Shpejtim Bulliqi. Nëpërmjet një reagimi në Facebook, LDK-ja tha se pushteti lokal kontrabandoi seancën komunale duke kaluar pika në votim, pa diskutim e vërejtje.
Partia opozitare në këtë komunë ka shtuar se kryetari Bulliqi i tejkaloi kompetencat duke marrë udhëheqjen e seancës, e duke e ofenduar Rrahmanin me shprehjet “pis” dhe “hanë në grazhd”.
LDK-ja tutje u shpreh se kërkuan të përfaqësoheshin në Komitetin për Komunitete, por kjo u refuzua nga pushteti përmes manipulimit të votave.
“Sipas ligjit, Kryetari i Komunës merr pjesë në Kuvend vetëm kur është e nevojshme për të diskutuar çështje të caktuara ose kur ftohet nga Kuvendi. Por, Shpejtim Bulliqi, siç bën zakonisht duke shfrytëzuar një kryesues të dobët, e mori udhëheqjen e seancës në cilësinë e Kryesuesit të Kuvendit, duke tejkaluar kompetencat e tij dhe duke mos kontribuar aspak në krijimin e një gjuhe bashkëpunimi. Përkundrazi, ai ka qenë provokativ dhe ka kontribuar në polarizimin e debatit. Gjatë këtij debati, ai fyeu asamblistin Ekrem Rrahmani duke e quajtur ‘pis’ dhe ‘han në grazhd’, gjuhë kjo që nuk është parlamentare dhe që nuk përkon me funksionin e tij. Fatkeqësisht, ky është niveli i komunikimit që na ofron ky udhëheqës”, thuhet në reagim.
Në anën tjetër, Dega e Lëvizjes Vetëvendosje në Podujevë, ka akuzuar asamblistin e LDK-së, Ekrem Rrahmani, se ka tentuar ta sulmojë kryetarin Bulliqi.
Edhe
Hyseni ia numëron keqpërdorimet, Bulliqi i thotë se është praktikant
Në media janë publikuar videoincizime ku Rrahmani i LDK-së shihet duke iu afruar Bulliqit, e më pas ndërhynë asamblistë të tjerë.
VV-ja në Podujevë ka thënë se kryetari Bulliqi ka paraqitur rastin në polici për tentim sulmi.
VV-ja në Podujevë akuzon asamblistin e LDK-së se tentoi ta sulmonte Bulliqin
Dega e Lëvizjes Vetëvendosje në Podujevë, ka akuzuar asamblistin e LDK-së, Ekrem Rrahmani, se ka tentuar ta sulmojë kryetarin e komunës së Podujevës, Shpejtim Bulliqi.
Në seancën e Kuvendit Komunal të Podujevës të enjten ka ardhur deri te një konfrontim, ku Rrahmani i është afruar Bulliqit, siç shihet ne videoincizim. Më pas ndërhyjnë asamblistët tjerë.
VV-ja në Podujevë ka thënë se kryetari Bulliqi ka paraqitur rastin në polici për tentim sulmi.
VV-ja ka thënë se e gjitha ndodhi pas një debati të gjatë rreth kërkesës së LDK-së prë zëvendësimin e anëtarit të Komitetit për Kumunitete, Demokrat Hodolli.
“Këshilltari Hodollli kohë më parë e ka deklaruar daljen nga Grupi i LDK-së, po nuk ka hequr dorë edhe nga partia e tij. Duke qenë kështu, ai ka vazhduar të jetë anëtar i Komitetit për Komunitete. Por, kërkesa shumë meskine e LDK-së ishte që Hodolli të zëvendësohet me një anëtar tjetër të tyre, gjë që edhe u hodh në votim nga kryesuesi, por që nuk i mori votat e mjaftueshme. Meqenëse dështoi propozimi i tyre, Kryetari Bulliqi për t’i dhënë zgjidhje kësaj kërkese, propozoi që për këtë çështje të kërkojnë përgjigje nga MAPL-ja se si të veprojnë rreth anëtarit të Komitetit për Komunitete. As kjo nuk u mjaftoi dhe Ekrem Rrahmani, eskaloi në fyerje ndaj Kryetarit dhe këshilltarët e LDK-së e penguan edhe rrjedhën e seancës. Ndërkohë, Ekrem Rrahmani shkoi në foltore për ta sulmuar Kryetarin Bulliqi. Sjellja e asamblistëve të LDK-së, e veçmas e Ekrem Rrahmanit, përveç që është e papranueshme, tejkalon çdo sjellje njerëzore. Siç është parë përgjatë këtyre tre vjetëve të këtij mandati, ai të vetmin ‘argument’ e ka arrogancën, fyerjen e sjelljen prej një rrugaçi të papërmirësueshëm. Përfaqësues të tillë, nuk i bëjnë nder jo vetëm Kuvendit Komunal, por as partisë që e përfaqëson. Në Polici rastin e ka paraqitur Kryetari Bulliqi për tentim sulm fizik ndaj tij dhe presim tash që organet e rendit të ndërmarrin hapat e nevojshëm bazuar në legjislacionin në fuqi”, thuhet në reagimin e VV-së në Podujevë.
Edhe
Podujeva shpall gjendje emergjente për shkak të mosmbledhjes së mbeturinave nga “Pastrimi”
KOHA ka tentuar të marrë një deklaratë mbi rastin nga Rrahmani, por ai nuk është përgjigjur në thirrjet telefonike.
