Lidhja Demokratike e Kosovës (LDK) ka ripërsëritur qëndrimin e saj se është kundër një marrëveshjeje me Serbinë që nuk e përmban njohjen reciproke.
Kryetari i LDK-së Lumir Abdixhiku, ka thënë se ky qëndrim është shprehur edhe në mbledhjen e Kryesisë së LDK-së, si dhe mbledhjen me kryetarët e degëve të kësaj partie që janë mbajtur të hënën.
“Në të dy takimet, me unanimitet të plotë, u rikonfirmua qëndrimi i LDK-së mbi procesin e dialogut. Në vlerësimin tonë, të anëtarësisë sonë, Kosovës nuk i duhet një marrëveshje bazë që nuk e përmban njohjen. Vendit tonë i duhet një marrëveshje përfundimtare që në thelb ka njohjen e ndërsjellë ndërmjet dy vendeve - si shtete të pavarura e sovrane. Çdo devijim nga ky orientim strategjik është papërgjegjësi e pariparueshme e Qeverisë aktuale”, ka shkruar Abdixhiku në Facebook.
Në këtë proces, sipas tij, koordinimi i ngushtë me aleatë mbetet jetik për të ardhmen euroatlantike të Kosovës.
-
Abdixhiku i hapur të diskutojë për presidentin
-
Kryesia Qendrore e LDK-së mbështet Abdixhikun
-
150 nënshkrime “të padeponuara” për shkarkimin e Abdixhikut
-
Abdixhiku merr mbështetjen e degëve të LDK-së “në angazhimin për institucione stabile të Kosovës”
-
Abdixhiku: Bashkimi i LDK-së, antidot i gjendjes ku ka rrëshqitur Kosova