Deputeti i LDK-së njëherësh Ish-ministër i Shëndetësisë, Imet Rrahmani, ka thënë se është ndarë i kënaqur me përfaqësimin e presidentit Thaçi në Këshillin e Sigurimit, që u mbajt dje në New York.
Rrahmani tha se përballë Serbisë, Kosova ishte shumë mirë për faktin se Serbia nuk ka asnjë fakt për ato që i adreson Kosovës.
"Unë e kam përcjellë dhe jam i kënaqur me paraqitjen. Serbia nuk ka fakte", u shpreh ai.
Në një konferencë për media ku foli për punën e deritashme të ministrit të Shëndetësisë Uran Ismaili, Rrahmani ka adresuar një numër kritikash.
Punën e deritanishme të prezantuar nga Ismaili, Rrahmani e quajti farsë, pasi sipas tij, fushata e Ismailit është përpjekje e fshehjes të së vërtetës pasi që punët që po thuhet se janë kryer tash, janë kryer në kohën e qeverisë Mustafa.
Tutje tha se Ismaili duhet të jap disa përgjigje në fushën e sigurimit shëndetësor dhe barnat jashtëspitalore.
Edhe
Ish-ministri Rrahmani i kundërpërgjigjet Ismailit
"Rritja e buxhetit nuk ka reflektuar edhe me rritjen e listës së barnave esenciale dhe të të punësuarve. Nëse llogarisim se janë kursyer 6 milionë euro, del se Ministria e Shëndetësisë ka manipuluar. Është e turpshme tendenca për të manipuluar për çmime më të lira. Çmimet janë ulur për shkak të kushteve të konkurrencës", tha ai.
Deputeti i LDK-së tha po ashtu se projekti i spitalit të Ferizajt është një rast i veçantë për të cilin i ftoi mediat që të hetojnë se çfarë qëndron prapa tij.
-
Ismaili: Shëndetësia duhet të çlirohet nga monopolet që pasurojnë oligarkët
-
Ismaili: Në Ministri të Shëndetësisë kemi vendosur politika që të mos vidhet
-
LDK-ja akuzon ministrin Ismaili për dështim total në sektorin shëndetësor
-
Ministri Ismaili thotë që MSH-ja ka bërë progres të madh në përmbushjen e rekomandimeve