Kryeministri i Kosovës, Albin Kurti, e ka dënuar plagosjen e dy qytetarëve në Shtërpcë mesditën e së premten, duke thënë se i dyshuari do të përballet me organet e drejtësisë.
Kurti u ka uruar shërim të shpejtë dy të plagosurve, derisa ka theksuar se hetimet do të vazhdojnë deri në zbardhjen e plotë të rastit.
“E dënoj ashpër sulmin ndaj dy qytetarëve të Kosovës në Shtërpcë. Thellësisht i brengosur për plagosjen e tyre. Sipas informatave, të rinjtë 11 dhe 21 vjeçar janë jashtë rrezikut për jetë dhe ju dëshiroj shërim të shpejtë. Policia e Kosovës veçse ka arrestuar të dyshuarin i cili pa asnjë mëdyshje duhet dhe do të përballet me organet e drejtësisë. Njësitet relevante do të vazhdojnë hetimet deri në zbardhjen e të gjitha rrethanave të këtij akti të papranueshëm dhe të dënueshëm”, ka shkruar Kurti.
Kreu i Qeverisë ka siguruar qytetarët se Policia e Kosovës është e angazhuar maksimalisht në kryerjen e detyrave të saj me qëllim të mbrojtjes së jetës dhe pronës së të gjithëve pa dallim.
Dy qytetarët në Shtërpcë, sipas Policisë, u plagosen nga një veturë në lëvizje. Ndërsa, Policia shumë shpejt arrestoi të dyshuarin.
-
Politikanët bëjnë thirrje për ruajtje të qetësisë pas plagosjeve në Shtërpcë
-
Osmani kërkon nga organet e drejtësisë t’i trajtojnë me urgjencë plagosjet në Shtërpcë
-
Kurti për vrasjet e ditëve të fundit: Duhen veprime të menjëhershme institucionale e reflektim shoqëror
-
Kurti për aksidentin me viktima në Skenderaj: Shumë shpejt do të kemi pasqyrë më të plotë mbi rastin
-
Kurti pas aksidentit në Badoc: Lus të keni kujdes në komunikacion