Presidentja e Kosovës, Vjosa Osmani, ka kërkuar nga organet e drejtësisë ta trajtojnë me urgjencë rastin e dy personave që u plagosen mesditën e së premtes në Shtërpcë.
Osmani e ka konsideruar si akt të patolerueshëm plagosjen e dy serbëve në Shtërpcë, ndërsa ka thënë se autori duhet të vihet para drejtësisë.
“Institucionet e Kosovës janë të përkushtuara maksimalisht që qytetarëve pa dallim etnie t`u ofrohet ambient i sigurt dhe i qetë. Të plagosurve ju dëshiroj shërim të shpejtë, ndërkaq ftoj organet e sigurisë që rastin ta trajtojnë urgjentisht e sipas ligjit”, thuhet në reagimin e Presidencës.
Reagim për rastin ka pasur edhe kryeministri Albin Kurti, që ka dënuar ashpër plagosjen e tyre.
Dy qytetarë në Shtërpcë, njëri 11 e tjetri 21 vjeç, sipas Policisë, u plagosën nga një veturë në lëvizje. Ndërsa, Policia shumë shpejt arrestoi të dyshuarin, i cili është pjesëtar i Forcës së Sigurisë së Kosovës.
Një pjesë e magjistrales Ferizaj-Shtërpcë ka mbetur e bllokuar, me qytetarët serbë që kanë dalë në rrugë e ku po kërkojnë shtim më të madh të trupave të KFOR-it.
-
Politikanët bëjnë thirrje për ruajtje të qetësisë pas plagosjeve në Shtërpcë
-
Kurti dënon plagosjen e dy qytetarëve në Shtërpcë: Fajtori do të përballet me drejtësinë
-
Osmani: Situata kërkon kujdes maksimal, FSK-ja në gatishmëri
-
Osmani për rrëmbimin e qytetarit serb në Kosovë: Provokim i rëndë nga Serbia
-
Osmani: Rrëmbimi i serbit, dëshmi e qasjes hegjemoniste të Serbisë, skena politike të flasë me një zë