Kryetari i Lëvizjes Vetëvendosje, njëherit kandidati për kryeministër, Albin Kurti, ka njoftuar se ka pritur në takim delegacionin shtetëror nga Finlanda, të udhëhequr nga Ministri i Punëve të Jashtme të Finlandës, Pekka Haavisto.
Sipas njoftimit në këtë takim u diskutua rreth dialogut me Serbinë, kundërshtimit që Lëvizja Vetëvendosje ia bëri ndarjes së Kosovës dhe shkëmbimit territorial dhe ndikimit rus në rajon.
Sa i përket dialogut me Serbinë, Kurti theksoi se para së gjithash, duhet të ketë dialog demokratik nga poshtë-lart, me të gjitha pakicat, për temat sociale dhe ekonomike, nëpërmjet të cilave do të realizohet integrimi i tyre në shoqërinë dhe ekonominë e vendit, përveçse në institucione.
“Përtej kësaj, për çfarëdo dialogu, duhet t'i respektojmë tri parime: 1. Nuk do të ketë marrëveshje pa dialog, 2. Dialogu të orientohet rreth të drejtave të qytetarëve e jo mbi shkëmbimin territorial, dhe, 3. Jo dialog me harta, jo presidentet e dy shteteve, por ekspertët”, tha Kurti.
Gjithashtu, ai potencoi se Lëvizja Vetëvendosje gjithmonë do të mbrojë sovranitetin territorial të Republikës së Kosovës dhe asnjëherë nuk do të lejojë që disa individë të vendosin për fatin e një populli.
Edhe
Kurti: Jo marrëveshje pa dialog, jo dialog me harta; jo presidentë shtetesh mbi harta
Ministri finlandez Haavisto tregoi qëndrimin pozitiv të Finlandës për procesin e integrimeve evropiane të Kosovës dhe theksoi rëndësinë e madhe të diasporës shqiptare në Finlandë.
Ndërsa, delegacioni i Lëvizjes Vetëvendosjes vlerësoi mbështetjen që Finlanda i ka dhënë Kosovës në faza të ndryshme, veçanërisht në mbrojtjen e pavarësisë së Kosovës në Gjykatën Ndërkombëtare të Drejtësisë.
-
Kurti: Finlanda është vend model për Kosovën
-
Kurti pret që ndërmjetësuesit t’i përmbahen propozimit evropian e “jo interesit të njërës palë”
-
Kurti takon përfaqësuesin special të Norvegjisë, diskutojnë edhe për dialogun
-
Kurti takohet me Sanna Marin, bisedohet për rritjen e numrit të ushtarëve finlandezë në Kosovë