Kryeministri i Kosovës, Albin Kurti, priti të martën në takim Përfaqësuesin Special të Norvegjisë për Ballkanin Perëndimor, Arne Sannes Bjørnstad.
Ata diskutuan për marrëdhëniet bilaterale ndërmjet Kosovës dhe Norvegjisë dhe mundësitë për thellimin e tyre me theks të veçantë bashkëpunimin në sektorin e energjisë, njoftoi Kryeministria.
Kurti e njoftoi për të arriturat dhe sukseset e Kosovës në vitin që lamë pas në fushën e sundimit të ligjit, për reformat e ndërmarra, progresin demokratik dhe ekonomik.
Në këtë takim, sipas ZKM-së, gjithashtu u diskutua për çështjet rajonale si dhe procesin e dialogut ndërmjet Kosovës dhe Serbisë dhe nevojën për intensifikim të tij drejt normalizimit të plotë të marrëdhënieve me njohjen reciproke në qendër.
-
Kurti pret përfaqësuesin special të Norvegjisë për Ballkanin Perëndimor, flasin për dialogun
-
Kurti takohet me Ali Ahmetin, diskutojnë edhe për dialogun
-
Kurti takon Plenkoviqin, theksohet nevoja për forcim të aleancave dhe koordinim politik
-
Integrimi në BE e aktualiteti politik në Kosovë – çështjet që u diskutuan mes Kurtit e Sorensenin
-
Sorensen flet për diskutimet e djeshme në Kosovë, dialogu e integrimi evropian në qendër