Kryeministri Albin Kurti ka zhvilluar takim edhe me kryeministren e Finlandës, Sanna Marin, me të cilën ka biseduar për mundësinë e rritjes së numrit të ushtarëve finlandezë në Kosovë.
Kurti u takua me homologen finlandeze në kuadër të Forumit Ekonomik Botëror në Davos të Zvicrës. Kreu i ekzekutivit zhvilloi edhe disa takime të tjera të martën.
Aktualisht, numri i ushtarëve finlandezë në forcat paqeruajtëse të NATO-s në Kosovë (KFOR) është 20. Sipas njoftimit të Kryeministrisë, Kurti e Marin biseduan që numri të rritet në 70.
Kurti e falënderoi Finlandën për mbështetjen që i ka dhënë Kosovës për anëtarësim në Këshillin e Evropës dhe Bashkimin Evropian.
Kurti ka theksuar se Qeveria e Kosovës është e përkushtuar për reforma strukturore në ekonomi, politikë, sundim të ligjit dhe demokraci funksionale në përputhje me standardet evropiane, për marrëdhënie të mira fqinjësore dhe bashkëpunim rajonal.
-
Kurti takon Plenkoviqin, theksohet nevoja për forcim të aleancave dhe koordinim politik
-
Kurti në takim me drejtoreshën e NATO-s: Kosova e vendosur për integrim
-
Kurti e Macroni flasin për sigurinë e Kosovës
-
Kurti diskuton me Ulutashin për zhvillimet në botë që mund të paraqesin sfida për sigurinë në Kosovë
-
Kurti në Davos: Progresi demokratik i Kosovës meriton të vlerësohet me statusin e vendit kandidat për BE