Kryetari i Lëvizjes Vetëvendosje Albin Kurti ka thënë se do të ishte mirë që kandidati për deputet nga radhët e Nismës Socialdemokrate i cili e kërcënoi me vdekje mbrëmë, Haxhi Hoti, të lirohet nga paraburgimi dhe ta presë Vitin e Ri me familjen e tij.
Kështu është shprehur ai përmes një statusi në Facebook.
“Unë nuk jam John Fitzgerald Kennedy kurse z. Haxhi Hoti nuk është Lee Harvey Oswald. Nuk mund t'i vlerësoj çështjet e sigurisë dhe as të përzihem në ato të drejtësisë, por besoj që do të ishte mirë që z. Hoti të lirohet e ta presë Vitin e Ri 2020 me familjen e tij në shtëpinë e tij”, ka shkruar ai.
Në një prononcim për media pas mbledhjes së Këshillit të Përgjithshëm të partisë, ka thënë se nuk i merr seriozisht kërcënimet e Hotit.
Kujtojmë se lidhur me kërcënimin, Vetëvendosje ka ngritur kallëzim penal ndaj Hotit.
-
Lirohet nga paraburgimi Haxhi Hoti që kërcënoi Albin Kurtin me vrasje
-
Kthehet në paraburgim Hoti i cili kërcënoi me vrasje Albin Kurtin
-
Krasniqi: Nisma është kundër dhunës dhe kërcënimeve
-
Vetëvendosje kallëzim penal ndaj Hotit të Nismës për kërcënim ndaj Kurtit
-
Kurti për marrëveshjen me LDK-në për presidentin: Shpresojmë që gjithçka të shkojë mbarë