Seanca e Kuvendit të Kosovës po vazhdon me debatin parlamentar lidhur me dënimin e disa aktivistëve të Lëvizjes Vetëvendosje.
Drejtuesit e këtij subjekti politik thanë se të gjitha arrestimet nga 2015 janë bërë në shenjë hakmarrje për opozitarizmin më të fuqishëm që ishte parë ndonjëherë në Kosovë.
Kryetari i Lëvizjes Vetëvendosje dhe deputeti, Albin Kurti thotë se nga 2015 deri tash janë arrestuar me mijëra aktivistë të Lëvizjes me qëllime të caktuara politike, duke persekutuar ata, raporton KP.
Ai ka akuzuar Policinë, duke thënë se, “ajo po hakmerrej ndaj aktivistëve që për 20 muaj po bënin protesta”.
Kurti nuk u ndal me kaq, duke thënë se, “prokuroria e policia gjatë kësaj kohe po hakmerreshin për opozitarizmi më i fuqishëm që ishte në Kosovë”.