Kryetari i Deçanit siguron banorët për ujin duke e pirë vetë

Kryetari i Deçanit, Bashkim Ramosaj, ka siguruar banorët e kësaj komune se uji në këtë komunë është i pastër dhe i sigurt.

Ramosaj, në një intervistë në programin e mëngjesit në KTV, ka thënë se ka shkuar dhe do të vazhdojë të shkojë vetë të pijë ujë në fshatrat nga ku rezultuan shumë banorë të helmuar, e që fillimisht dyshohej se kjo ka ardhur si pasojë e ujit të kontaminuar.

Analizat e ujit ishin goxha “kontradiktore”, disa dolën mirë, disa në kufij të së lejuarës e disa me baktere, por Ministria e Shëndetësisë pati paralajmëruar se do të dërgojë disa mostra për analiza edhe jashtë vendit.

Rreth 2.000 qytetarë të Deçanit, javën e shkuar, kërkuan ndihmë mjekësore dhe të gjithë kishin simptomat e helmimit.

Ramosaj thotë se qytetarët duhet të kthejnë besimin në kompaninë e ujësjellësit Hidrodrini dhe të përdorin ujin. Ai thotë se “garancë” do të futet vetë.

Edhe Arbëri 7 shk 2022 Lushaj: Në Deçan afro 2000 qytetarë ishin helmuar nga uji, ende nuk e konsumojmë ujin nga ujësjellësi

“Në 12 fshatra që kanë qenë më të prekur kemi shpërndarë ujë. Tash jemi në një kampanjë që me i bind banorët se uji është i pijshëm, edhe sipas analizave të Institutit. Unë kam provuar këto 2-3 ditë me pi këtë ujë personalisht vetë. Është një kampanjë që banorëve duhet me ua kthyer besimin. Ka qenë kujdes i shtuar edhe nga Hidrodrini se uji është me parametra normal dhe me cilësi të mirë”, ka thënë Ramosaj.