Zagreb, 26 nëntor – Në Kuvendin e Kroacisë ka vazhduar debati në lidhje me propozimin për pjesëmarrjen e Forcave të Armatosura të Kroacisë në operacionet paqësore të KFOR-it në Kosovë.
Në Kosovë do të duhej të shkonin deri 150 pjesëtarë të Forcave kroate të Armatosura me dy helikopterë të Aviacionit Luftarak kroat, raporton TV e Kroacisë, transmeton Koha.net.
Aktualisht në operacionet e KFOR-it janë të sistemuar 38 pjesëtarë të Forcave të Armatosur kroate dhe dy helikopterë. Ata shërbejnë në zonën e Prishtinës, të Ferizajt dhe në kampin në afërsi të Pejës.
