Një kontingjent i ushtarëve kroatë është dërguar për të mbështetur trupat e KFOR-it në Kosovë të martën, ka njoftuar Ministria e Mbrojtjes e Kroacisë.
“Detyrat tuaja në KFOR janë sfiduese dhe përfshijnë shumë më tepër sesa një qasje ushtarake. Besoj se ju do të dini si të zgjidhni mënyrën e duhur për të kapërcyer sfidat, duke mbetur gjithmonë, në çdo situatë, në shumë mënyra ambasadorë të Kroacisë”, ka thënë gjeneralmajori Drago Matanoviq.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë zonën operative të KFOR-it, kontingjenti i 43-të kroat do të ketë 154 pjesëtarë, nëntë prej të cilëve gra, raportoi Index.hr.
Forcat e Armatosura të Kroacisë kanë qenë pjesë e misionit të KFOR-it që nga viti 2009, bazuar në vendimin e Parlamentit kroat të korrikut 2008. Deri më tash, 2,240 pjesëtarë të Forcave të Armatosura kanë marrë pjesë – 125 gra.