Kosova u kërkon shteteve islamike përkrahje për anëtarësimin në Interpol

13:52 - Ndërkohë, njoftim ka dërguar edhe presidenca e Kosovës. Sipas njoftimit, presidenti Hashim Thaçi ka biseduar me sekretarin e përgjithshëm të Organizatës për Bashkëpunim Islamik, Yousef bin Ahmad Al-Othaimeen për mundësinë e thellimit të bashkëpunimit ndërmjet Kosovës dhe 57 shteteve anëtare të kësaj organizate.

Thaçi ka kërkuar nga sekretari Al-Othaimeen mbështetjen e OBI-it në procesin e shtimit të njohjes për Republikën e Kosovës, për procesin e anëtarësimit të Kosovës në Interpol dhe organizata tjera ndërkombëtare.

“OBI edhe në të kaluarën ka mbështetur Republikën e Kosovës në shtimin e njohjes dhe anëtarësim në organizata ndërkombëtare. Presim vazhdimin e mbështetjes tuaj”, ka thënë Thaçi.

Nga ana tjetër, sekretari i përgjithshëm i Organizatës për Bashkëpunim Islamik (OBI), Yousef bin Ahmad Al-Othaimeen ka thënë se kjo organizatë do të vazhdojë mbështetjen e gjithëmbarshme për Kosovën.

Mbështetja e Organizatës së Bashkëpunimit Islamik (OBI-it) dhe e 57 shteteve anëtare të kësaj organizate është jashtëzakonisht e rëndësishme për anëtarësimin e plotë dhe të barabartë të Republikës së Kosovës në INTERPOL.

Edhe Arbëri 21 mar 2024 Osmani kërkon mbështetjen e SHBA-së për anëtarësim në INTERPOL

Kështu ka thënë kryediplomati kosovar, Behgjet Pacolli, pas takimit me Sekretarin e Përgjithshëm të organizatës së Bashkëpunimit Islamik, Yusuf Al Othaimeen, në margjina të shumë takimeve të tjera zyrtare, që po zhvillohen në punimet e Asamblesë së Përgjithshme të Kombeve të Bashkuara në New York.

“Organizata për Bashkëpunim Islamik gjithmonë ka mbështetur fuqishëm konsolidimin dhe integrimin e shtetit të Kosovës. Rezolutat e miratuara në të kaluarën nga Këshilli i Ministrave të Jashtëm të kësaj organizate, ku bëjnë thirrje për njohje të shtetit të Kosovës janë dëshmia më e mirë e kësaj mbështetje. Kënaqësi, që ta ritakojë Sekretarin e Përgjithshëm të OBI-it, z. Yusuf al Othaimeen, pas takimit që e kishim më herët gjatë këtij viti në kryeqytetin e Bangladeshit, Dhaka. E falënderuam për mbështetjen e deritanishme dhe kërkuam që kjo mbështetje të reflektohet edhe në procesin e anëtarësimit të vendit tonë në INTERPOL”, ka thënë Pacolli.