Ministrja e Mjedisit dhe Planifikimit Hapësinor, Albena Reshitaj, priti në takim përfaqësuesin e USAID-it në Kosovë, Brian Martalus, me të cilin biseduan për thellimin e bashkëpunimit në fushën e mbrojtjes së mjedisit dhe planifikimit hapësinor, me theks te veçantë rreth legalizimit të ndërtimeve pa leje.
Ministrja, pasi falënderoi përfaqësuesit e USAID-it për bashkëpunimin dhe ndihmën e dhënë për Kosovën dhe ministrinë e Mjedisit dhe Planifikimit Hapësinor, prezantoi prioritetet e kësaj ministrie duke u nisur nga reduktimi i ndotjes së ajrit, menaxhimi i mbeturinave, krijimi i zonave të gjelbra, planifikimi hapësinor, legalizimi i ndërtimeve pa leje, ruajtja e burimeve ujore, mbrojtja dhe rehabilitimi i shtretërve të lumenjve etj.
Në këtë takim, Reshitaj shprehu përkushtimin e saj maksimal dhe të politikave që ajo ndjek për t’i dhënë prioritet funksionalizimit dhe zbatimit të legjislacionit të MMPH-së, e sidomos kalimin sa më të shpejtë të ligjit të ri për trajtimin e ndërtimeve pa leje, ligj ky shumë i rëndësishëm që për muaj ka mbetur pa u miratuar.
Nga ana tjetër, përfaqësuesi i USAID-it Martalus, përgëzoi ministren për angazhimin e saj në realizimin e këtyre projekteve shumë të rëndësishme për Kosovën dhe të ardhmen e saj evropiane.
-
U shkëputen kontratat 20 serbëve që merrnin paga pa punuar në Ministrinë e Mjedisit
-
Konjufca: Aplikimi i Kosovës për anëtarësim në BE të marrë vëmendjen e merituar
-
BE: Kosovës i duhen institucione funksionale për të përshpejtuar reformat dhe rrugën evropiane
-
Prattipati: Mundësitë për bashkëpunim në mbrojtje e energji janë të pakufishme
-
BE-ja kërkon stabilitet institucional për avancimin e Kosovës