Kosova është bërë pjesë e rrjetit evropian për informim dhe vëzhgim ( European Environment Information and Observation network - EIONET)
Kryeshefi i Agjencisë për Mbrojtjen e Mjedisit të Kosovës, Ilir Morina, tha se Kosova nga viti 2010 ka qenë si shtet para anëtarësimit.
‘Prej viti 2010 raportojmë rregullisht. Ne kemi 4 ose 5 vite që kërkojmë të anëtarësohemi si Ballkan. Në 25 vjetorin e themelimit ata vendosën që të jemi pjesë si Ballkan”, tha Morina sot RTK-së.
Sipas tij tani më këtë anëtarësim Kosova bëhet pjesë e informimit për mjedis.
Rrjeti Evropian i Informacionit dhe Vëzhgimit të Mjedisit (Eionet) është një rrjet partneriteti i Agjencisë Evropiane të Mjedisit (EEA) dhe i 39 vendeve të saj anëtare dhe bashkëpunuese. EEA është përgjegjëse për zhvillimin e Eionet dhe koordinimin e aktiviteteve të saj së bashku me Pikat Kombëtare të Fokusit (NFPs) në vendet.
NFP-të janë përgjegjëse për koordinimin e rrjeteve të Qendrave Kombëtare të Referencës (QKR), duke bashkuar ekspertë nga institucionet kombëtare dhe organet e tjera të përfshira në informacionin mjedisor.
