Auditor i Përgjithshëm i Autoritetit të Maqedonisë së Veriut për auditimin e fondeve IPA, Adem Curi i shoqëruar nga këshilltari për auditimin e programeve të financuara nga BE dhe bashkëpunimin ndërkombëtar Ivan Ignjatov të martën kanë zhvilluar një vizitë pune në Zyrën Kombëtare të Auditimit të Kosovës.
Siç bëhet e ditur në komunikatën e Zyrës së Auditorit, Osmani dhe Curi folën për rëndësinë e auditimit të fondeve të Bashkimit Evropian me qellim që ato të shpenzohen në mënyrë efektive dhe në dobi të qytetarëve dhe për modalitetet e bashkëpunimit ndërmjet dy institucioneve në mënyrë që Kosova gradualisht të përgatitet në ngritjen e këtyre strukturave krahas progresit të vendit në procesin e integrimeve evropiane.
Përfaqësuesit e Zyrës Kombëtare të Auditimit, njoftuan delegacionin e Autoritetit të Maqedonisë së Veriut për auditimin e fondeve IPA lidhur me zbatimin e Planit Strategjik të Zyrës Kombëtare të Auditimit 2018-2021 dhe Planit aktual vjetor të auditimit; Procesin e Auditimit, Kontrollin e cilësisë dhe Sigurimin e cilësisë; Zhvillimin Profesional dhe Komunikimi me palët e interesit; bashkëpunimin me organet e drejtësisë dhe organizmat përkatëse për luftimin e korrupsionit; si dhe për bashkëpunimin ndërkombëtar.
Edhe përfaqësuesit e Autoritetit të Maqedonisë së Veriut për auditimin e fondeve IPA bën një prezantim të këtij institucioni duke treguar për mandatin, detyrat dhe përgjegjësitë e tij.
Të dy institucionet e vlerësuan të rëndësishëm bashkëpunimin e mëtutjeshëm në mes tyre dhe shkëmbimin e ideve dhe përvojave të tyre.
-
BE kërkon zbatim më efikas të projekteve të IPA-s në Kosovë
-
Kosova e Maqedonia Veriore diskutojnë mbi programin për bashkëpunim ndërkufitar
-
Vazhdon bashkëpunimi në mes Zyrës Kombëtare të Auditimit të Kosovës dhe asaj të Suedisë
-
Kurti: Janë miratuar 206.4 milionë euro nga fondet e BE-së për Kosovën
-
BE-ja kërkon stabilitet institucional për avancimin e Kosovës