Kryetari i Aleancës për Ardhmërinë e Kosovës, Ramush Haradinaj, ka deklaruar se konstituimi i Kuvendit u bllokua nga vetë kryeministri në detyrë, Albin Kurti, duke thënë se ligji nuk lejon mbajtjen e postit të kryeministrit apo të ministrit “dhe të betohesh si deputet”.
Haradinaj është shprehur se “nuk mund të ulesh në dy karrige njëkohësisht”, duke shtuar se raportin e Komisionit s’e vlerësuan pasi “nuk mund ta shkelim Kushtetutën”.
“Konstituimin e Kuvendit sot e ka bllokuar vetë Albin Kurti. Ligji e Kushtetuta e këtij shteti nuk lejojnë që të mbash edhe postin e Kryeministrit apo të Ministrit dhe të betohesh si deputet. Nuk mund të ulesh në dy karrige njëkohësisht. Ne nuk mund ta shkelim Kushtetutën dhe të veprojmë ndryshe, prandaj nuk e votuam raportin. Albin Kurti me ministrat e tij, nëse duan ta konstituojnë Kuvendin, le të tërhiqen ose nga postet ministrore, ose nga mandati i deputetit, e të mos i fajësojnë të tjerët për gabimet e veta”, ka shkruar kreu i AAK-së.
Dështon konstituimi i Kuvendit
-
Haradinaj: Kurti e ka ndarë mendjen t’i bëjë keq Kosovës
-
Kurti fajëson opozitën për bllokim: Zgjidhja është votimi i fshehtë
-
PDK-ja e Aleanca nga Kuvendi e akuzojnë Kurtin për cenim të rendit kushtetues
-
PDK-ja dhe Aleanca i kërkojnë Kurtit ta lirojë objektin e Qeverisë dhe ta konstituojë Kuvendin
-
PDK-ja e AAK-ja thonë se është zaptuar rendi demokratik