Ministri i Punëve të Jashtme dhe Diasporës, Glauk Konjufca, ka zhvilluar vizitën e tij të parë zyrtare jashtë vendit, ku mori pjesë në Konferencën e Sigurisë në Mynih, forumin më të rëndësishëm global për çështjet e sigurisë.
Nëpërmes një postimi në Facebook, Konjufca ka theksuar se pjesëmarrja e delegacionit shtetëror të Kosovës në këtë konferencë po ndodh në një moment kur rendi botëror po riformësohet.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas tij, Konferenca e Sigurisë së Mynihut ishte një mundësi e rëndësishme për të shkëmbyer pikëpamje me partnerët ndërkombëtarë lidhur me nevojën për bashkëpunim më të ngushtë me aleatët, në përballje me sfidat rajonale dhe kontinentale të sigurisë.
“Forcimi i Kosovës si pjesë e Aleancës Perëndimore, sikurse edhe i çdo aleati veç e veç, do ta bëj aleancën veri-atlantike më të fuqishme kundrejt sfidave në këtë shekull të riformësimit gjeopolitik”, ka shkruar Konjufca.
Bashkë me të në këtë konferencë morën pjesë edhe kryeministri Albin Kurti dhe ministri i Mbrojtjes, Ejup Maqedonci.
Ky i fundit ka deklaruar se gjatë kësaj vizite u përmendën edhe raportet me Serbinë, ku sipas Maqedoncit, Kurti theksoi domosdoshmërinë e dorëzimit të Milan Radoiçiqit për t’u përballur me drejtësinë në Kosovë lidhur me sulmin në Banjskë më 24 shtator 2023, nënshkrimin e Marrëveshjes Bazike si dhe tërheqjen e letrës së Ana Brnabiq që konteston integritetin territorial të Kosovës.