Kryetari i Komunës së Prishtinës, Përparim Rama, ka njoftuar se ka filluar aplikimi i shenjëzimit të njohur si “Kutia e Verdhë”.
Këto shenjëzime tashmë ndodhen në rrugën “Agim Ramadani”, e cila të hënën hapet për qarkullim, sipas Ramës.
Në njoftimin e lëshuar nga Rama në Facebook me detaje rreth këtij rregulli, thuhet se shkelja e tij pason me gjobë prej 80 eurosh.
“Të gjithë shoferët janë të obliguar që të mos hyjnë në këtë zonë nëse nuk kanë hapësirë të mjaftueshme për të përfunduar kalimin e udhëkryqit! Të shmangin çdo ndalim brenda kësaj zone, me qëllim të mos bllokohet trafiku! Shkelësit e këtij rregulli do të ndëshkohen me gjoba deri në 80 euro”, ka thënë ai.
Tash e dy ditë rruga “Agim Ramadani” ka qenë e mbyllur për qarkullim për shkak të punimeve.
VIDEO:
