Vehbi Buzuku, të premten, ka mundur të marrë vetëm këtë format të ekstraktit të lindjes, pasi që në Komunën e Prishtinës mungon materiali për dokumentet e gjendjes civile.
Njoftimin për mungesën e letrave adekuate e ka bërë Komuna e Prishtinës, në një postim në Facebook, raporton KTV.
Aty thuhet se, si pasojë e anulimit të tenderit të Ministrisë së Punëve të Brendshme nga ana e Organit Shqyrtues të Prokurimit, ka dështuar furnizimi me certifikata në të gjitha komunat.
Në Komunën e Prishtinës, këto shërbime janë ofruar deri në ora 12:00 të datës 28 mars.
Drejtori i Departamentit të Gjendjes Civile, Blerim Camaj, tha se anulimin e tenderit, OSHP-ja e ka bërë me arsyetimin se operatori “ Infosoft Office”, është i papërgjegjshëm.
Ndërsa, Organi Shqyrtues i Prokurimit , përmes një e-mail-i, ka sqaruar se aktiviteti i prokurimit me titull “Furnizim me certifikata të gjendjes civile ”, i iniciuar nga autoriteti kontraktues, Ministria e Punëve të Brendshme, është anuluar nga i njëjti autoritet me datë 10.01.2019, me arsyetimin se për aktivitetin e prokurimit nuk ka oferta të përgjegjshme.
-
Të gjitha komunat në krizë për letër, qytetarët mund të mbesin pa certifikata origjinale
-
Agjencia e Regjistrimit Civil thotë se ende nuk është përzgjedhur operatori për furnizim me dokumente të Gjendjes Civile
-
Komuna e Prishtinës mbetet pa certifikata të Gjendjes Civile
-
Komunat ankohen se s’po mund të kryejnë shërbime të gjendjes civile
-
Komuna e Prishtinës thotë se ka mbetur pa vetura