Komuna e Gjilanit thotë se s’mund të ndërtohet nënkalim te “Thimi Mitko”, në rrezik 1600 nxënës

Rreth 1600 nxënësve të shkollës “Thimi Mitko” të Gjilanit për çdo ditë po u rrezikohet jeta, meqë objekti i shkollës është shumë pranë rrugës kryesore të qytetit.

Drejtoria e shkollës ka kërkuar nga komuna që ta ndërtojë një nënkalim, por kjo ende nuk ka ndodhur.

Sekretari i kësaj shkolle, Nazmi Kqiku, ka treguar ka pasur raste kur janë aksidentuar nxënësit, por edhe mësimdhënësit.

Arbër Ismaili, nënkryetar i komunës së Gjilanit, ka thënë se nënkalimi nuk mund të bëhet aty për shkak të hapësirës së pamjaftueshme.

Ndërkaq, përfaqësues të shkollës e cilësojnë me fat ditën e aksidentit tragjik me kamion në Gjilan, sepse asnjë nxënës i kësaj shkolle nuk pësoi.

Të gjithë nxënësit në atë kohë ishin në mësim.