Komuna e Ferizajt e shndërron sheshin në parking për zyrtarët

Shtatë vetura të zyrtarëve kanë zënë nje pjesë të sheshit para objektit të Komunës së Ferizajt.

Një lexues i portalit Koha.net që ka dërguar këto fotografi, ka thënë se të gjitha veturat e parkuara të shtunën janë të zyrtarëve komunal.

Parkingu i komunës gjendet anash objektit ndërsa për t'u parkuar para komunës veturat duhet të kalojnë nëpër shesh.

Komuna gjatë muajve të fundit ka rregulluar fontanën para objektit që gjatë dy vjetëve të fundit nuk ishte rregulluar dhe shkaktonte kundërmim si pasojë e mbledhjes së ujit nga të reshurat.

Komuna e Ferizajt të premten është kritikuar për cilësinë e dobët të asfaltit në rrugën e "Reqakut". Vetëm dy javë pas asaltimit të kësaj rruge, kompania përgjegjëse të premten ka bërë arnimin e saj.

{gallery}