Komisioni për integrime evropiane ka miratuar sot dy amendamente të dy marrëveshjeve me Bashkimin Evropian (BE). Komisioni, në mbledhjen e mbajtur të enjten, u dha dritën e gjelbër për në seancë plenare Projektligjin për ratifikimin e Amendamentit ''nr.2 të marrëveshjes financiare ndërmjet Republikës së Kosovës dhe Bashkimit Evropian për programin IPA 2017, pjesa e parë'' si dhe Projektligjin për ratifikimin e Amendamentit ''nr.3 të marrëveshjes financiare ndërmjet Republikës së Kosovës dhe Bashkimit Evropian për Programin IPA 2018''.
Miratimi i amendamenteve të këtyre marrëveshjeve është bërë me qëllim të shtyrjes së afatit për zbatimin e marrëveshjes për të siguruar kryerjen e suksesshme të projekteve të kontraktuara nga Bashkimi Evropian, që janë ballafaquar me vonesa gjatë fazës së implementimit të tyre.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKrahas kësaj, Komisioni diskutoi edhe për planin e punës gjatë këtij mandati, për çka kryetarja, Hykmete Bajrami, tha se do të ketë një vendimmarrje më së largu javën e ardhshme.
“Duhet ta caktojmë një ditë pune ku i caktojmë afatet për shqyrtimet e projektligjeve dhe obligimeve që i kemi si Komision për Integrime Evropiane”, shtoi ajo./KP