Komisioni Shtetëror ka publikuar draft-raportin e parë rreth gjetjeve për matjen e territorit të Republikës së Kosovës, i cili është në një vijë me marrëveshjen e Qeverisë për shënimin e demarkacionit me Malin e Zi, shkruan sot Koha Ditore. Aty konfirmohet se Kosova nuk ka humbur asnjë metër territor me rastin e nënshkrimit të Marrëveshjes për shënjimin e vijës kufitare me Malin e Zi. Komisioni ka konstatuar se në gjithë dokumentacionin e konsultuar del se Çakorri dhe Bjelluha i takojnë Malit të Zi.
Por me raportin e Komisionit nuk janë pajtuar dy anëtarët e tjerë, Agron Luta dhe Faruk Bojaxhiu, të cilët kanë paralajmëruar se nuk do të vënë nënshkrimet mbi dokumentin final. Ndërkaq një ditë para publikimit të raportit anëtari tjetër, Fitim Humolli, ishte dorëhequr me arsyen se ky komision është krijuar për t’u shërbyer agjendave politike. Përfshirë Humollin, Komisioni përbëhet nga 12 anëtarë. Tashmë 3 prej tyre kundërshtojnë raportin e prezantuar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo(Shkrimin e gjerë mund ta lexoni sot në Koha Ditore)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.