Komandanti i KFOR-it takon ambasadorët e QUINT-it, siguria temë diskutimi

Komandanti i misionit të NATO-s në Kosovë, KFOR, gjeneralmajor Oezkan Ulutash, ka takuar të martën ambasadorët e vendeve të QUINT-it në Kosovë, me të cilët ka siguruar për sigurinë në vend.

Në njoftimin e lëshuar nga KFOR-i në Facebook, thuhet se komuniteti ndërkombëtar vazhdon të ketë përkushtim të palëkundur për stabilitetin rajonal.

“Komandanti i misionit KFOR, gjeneralmajor Oezkan Ulutash, ka takuar sot ambasadorin e Shteteve të Bashkuara të Amerikës në Kosovë, Jeffrey Hovenier, ambasadorin e Mbretërisë së Bashkuar, Jonathan Hargreaves, ambasadorin e Francës, Olivier Guérot, ambasadorin Republikës Federale të Gjermanisë, Jorn Rohde, ambasadorin e Turqisë, Sabri Tunç Angılı, zëvendësambasadori italian, Ugo Ferrero dhe shefja e seksionit politik të Zyrës së Përfaqësuesit Special të BE-së, Tuuli Parnsalu, në Shtabin e KFOR-it, në Camp Film City, në Prishtinë. Takimi ofroi mundësi për të ndarë pikëpamjet mbi trendet e sigurisë në Kosovë dhe në mbarë rajonin, mbi përkushtimin e palëkundur të Komunitetit Ndërkombëtar për stabilitetin rajonal dhe për përpjekjet e përditshme të KFOR-it për të zbatuar mandatin e tij në OKB dhe për të mbështetur dialogun e ndërmjetësuar nga BE-ja ndërmjet Beogradit dhe Prishtinës”, ka thënë ai.