Misioni i NATO-s në Kosovë, KFOR, ka thënë se është e rëndësishme të vërtetohen faktet dhe përgjegjësit për shpërthimin në Ibër-Lepenc të sillen para drejtësisë.
Në një komunikatë për media të shtunën, KFOR-i ka dënuar ashpër sulmin në tubacionin e ujit në Zubin-Potok, “i cili pati një ndikim të madh në furnizimin me ujë dhe energji elektrike në veri të Kosovës”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoËshtë e rëndësishme që të vërtetohen faktet dhe që përgjegjësit të mbahen përgjegjës dhe të sillen para drejtësisë. Personeli i KFOR-it që nga mbrëmë ka ofruar siguri në tubacionin e ujit dhe në zonat përreth; për më tepër, KFOR-i ka ofruar asgjësimin logjistik të mjeteve shpërthyese dhe mbështetje inxhinierike për institucionet në Kosovë”, thuhet në reagim.
EULEX-i vlerëson veprimet e shpejta të Kosovës për ta menaxhuar shpërthimin në Ibër-Lepenc
Shefi i Misionit të EULEX-it, Giovanni Pietro Barbano
Shefi i Misionit të EULEX-it, Giovanni Pietro Barbano, ka vlerësuar veprimet e shpejta të autoriteteve të Kosovës për ta menaxhuar në mënyrën më të mirë shpërthimin në kanalin e Ibër-Lepencit të premten mbrëma.
Në një postim në “X”, Barbano ka thënë se sulmi në Ibër-Lepenc është i papranueshëm.
“Jam në vendin e sulmit të papranueshëm që ndodhi dje në kanalin Ibër-Lepenc – një pjesë kritike e infrastrukturës së Kosovës – në fshatin Varagë. Në përputhje me mandatin tonë, në koordinim të ngushtë me Policinë e Kosovës dhe KFOR-in, monitoruesit e EULEX-it dhe Njësia e Formuar Policore kanë qenë menjëherë të pranishëm në terren për të vlerësuar situatën në vazhdim dhe pasojat e saj të mundshme. Unë vlerësoj veprimet e shpejta të ndërmarra nga autoritetet e Kosovës për të menaxhuar në mënyrë efektive dëmin dhe për t'iu përgjigjur emergjencës, duke parandaluar kështu pasoja të mëtejshme për popullatën”, ka shkruar ai.