Keqpërdorimin e veturave zyrtare s’ka kush e ndal

Nuk ka të ndalur keqpërdorimi i veturave zyrtare.

Një e tillë është fotografuar nga një lexues i portalit Koha.net në parkingun e një kompleksi banesor, mbrëmjen e së hënës. Vetura është parë në rrugën “Holgen Petersen”, mbrapa EULEX-it.

Koha.net raportoi të shtunën se si një veturë zyrtare e Republikës së Kosovës, po bartte në bagazhin e saj dushk. Vetura ishte fotografuar po ashtu nga një lexues i portalit, në Veternik të Prishtinës.

Disa ministri kanë marrë vendim që mos të përdoren veturat zyrtare jashtë orarit të punës, megjithatë përdorimi i veturave zyrtare për nevoja personale të punonjësve të institucioneve të Kosovës mbetet në nivel të lartë.

{gallery}