Ish-komandanti i FSK-së, Kadri Kastrati, ka thënë se protestuesit të hënën janë rrahur pa pasur rrezik ndaj policëve dhe se për këtë duhet të japin dorëheqje ministri i Brendshëm Xhelal Sveçla dhe drejtori i Policisë Gazmend Hoxha.
Ai ka thënë se për përshkallëzimin e fajëson Policinë, por ka shtuar se gjithashtu nuk e arsyeton asnjë veprim të dhunshëm të protestuesve.
Kastrati ka thënë se sheshi ka qenë i qetë dhe se veprimet e Policisë arsyetohen vetëm tek Kuvendi, për të liruar hyrje-daljet nga ndërtesa.
“Sjellja e policëve, që t’i rrahin ata protestues që janë ulur, ka pasur edhe invalidë të luftës aty, unë kisha kërkuar dhe kisha rekomanduar Policinë që të dalë me një sqarim, a është rast individual, apo është qëndrim i Policisë së Kosovës, nëse është qëndrim i Policisë së Kosovës është jashtëzakonisht e turpshme dhe duhet të japin dorëheqje prej ministrit të Punëve të Brendshme dhe drejtorit të Policisë”, ka thënë Kastrati në një intervistë në KTV.
Sipas tij Policia e ka provokuar situatën gjatë protestës.
VIDEO:
LIVE: Dita vendimtare për presidentin, tensione për Specialen
-
33 të lënduar në protestën para Kuvendit, mes tyre policë, protestues e gazetarë - tre të arrestuar
-
Situata nis të qetësohet, forcat policore tërhiqen drejt Kuvendit
-
Syla: 12 persona kanë kërkuar ndihmë mjekësore, njëri prej tyre polic
-
Deputetët e PDK-së kërkojnë nga komandanti policor t’i tërheqë policët, ankohen për dhunën
-
PDK: Qeveria ta ndalë dhunën ndaj protestuesve