Juristët vlerësojnë ligjërisht të pamundur krijimin e Tribunalit për krimet serbe

Juristët po e vlerësojnë ligjërisht të pamundur formimin e një Tribunali Ndërkombëtar për hetimin e krimeve gjatë luftës në Kosovë. Instituti i Kosovës për Drejtësi thotë se me këtë iniciativë, vetëm po manipulohen familjarët e viktimave të luftës dhe dyshojnë nëse do të përkrahet në OKB. Megjithatë, nga Kabineti i kryetarit të Kuvendit thonë se në këtë proces nuk do të dorëzohen karshi pengesave.

Përveç që u konsiderua e vonshme, iniciativa për formimin e një Tribunali Ndërkombëtar për hetimin e krimeve të kryera në Kosovë nga shteti serb po shihet si mision i pamundur, raporton KTV.

Instituti i Kosovës për Drejtësi, duke marrë shembull që formimi i një Tribunali ndodh nga Organizata e Kombeve të Bashkuara, thotë se me këtë iniciativë vetëm po manipulohen familjarët e viktimave të luftës.

Përfaqësues nga Fondi për të Drejtën Humanitare në Kosovë janë skeptikë nëse ndërkombëtarët do të mbështesnin formimin e një Tribunali që do të merrej ekskluzivisht me gjykimin e serbëve.

Ata thonë se institucionet vendore nuk kanë punuar mjaftueshëm në dokumentimin e krimeve të luftës dhe në hetimin e tyre.

Por, nga Kabineti i kryetarit të Kuvendit, megjithatë, thonë se nuk do të lejojnë asnjë pengesë që ta dërgojnë këtë iniciativë deri në fund.

Edhe Arbëri 20 kor 2019 Lumezi thotë vështirë se do të formohet Tribunali Ndërkombëtar

Të hënën, kryetari i Kuvendit, Kadri Veseli, në një takim me Shoqatat e të pagjeturve, organizatat e dala nga lufta dhe institucionet e drejtësisë, zyrtarizoi iniciativën për formimin e një Tribunali Ndërkombëtar për hetimin e krimeve të kryera gjatë luftës në Kosovë.

Një Tribunal, i cili kishte hetuar krimet e luftës në territoret e ish-Jugosllavisë, ai i Hagës, ishte formuar nga Këshilli i Sigurimit të OKB-së në vitin 1993.