Kandidati për deputet i Aleancës për Ardhmërinë e Kosovës, Smajl Latifi, ka hedhur akuza kundër Qeverisë Kurti për çështjen e subvencioneve në bujqësi për vitin 2024.
Në emisionin “Zgjedhjet në KOHË” të mërkurën, Latifi ka thënë se Qeveria nuk e ka pasur prioritet buxhetin, ndërsa ka shtuar se as dëmet për vitin 2023 nuk i ka paguar.
“Jeni hajna. A i ka dhënë subvencionet për vitin 2024? Ende nuk i ka dhënë. Pas 10 muaj aplikimi ende nuk i ka dhënë dhe këta janë manipulues të hapur që gënjejnë gjithë ditën dhe ende s’i kanë dhënë të gjitha subvencionet. Pyetja tjetër është pse nuk janë paguar dëmet për vitin 2023? Këta (Qeveria) kanë teknika vetëm me pengu, jo me ndihmu. Jeni hajna të mëdhenj. Pas 10 muajsh mos me i përfundu subvencionet vetëm te ju ka ndodhur, janë vonuar edhe përpara. Me hapë thirrje për grante më 27 dhjetor të vitit 2024, çka do të thotë kjo? Kjo do të thotë se ju 24 milionë nuk i keni shfrytëzuar. Ju nuk e investoni buxhetin për bujqësi, ju nuk e keni prioritet bujqësinë, ju i keni dëmtuar fermerët”, ka thënë Latifi.