Mot kryesisht i ngrohtë pritet të mbajë gjatë javës së dytë të prillit në Kosovë, ka njoftuar Instituti Hidrometeorologjik i Kosovës.
Ndonëse java parashihet të jetë me kushte të qëndrueshme meteorologjike, të martën dhe të enjten mund të ketë riga shiu në disa zona.
Temperaturat minimale do të lëvizin ndërmjet -2 deri 6 gradë celsius, ndërsa maksimalet e ditës parashihen të lëvizin ndërmjet 11-23 gradë celsius.
Të hënën do të ketë mot me diell dhe vranësira të shpërndara. Temperaturat minimale nga 1 deri në 4 gradë celsius, kurse maksimalet nga 18 deri në 23 gradë celsius.
Të martën, me vranësira vende-vende, parashihet që të ketë edhe shi. Temperaturat më të ulëta do të jenë nga 3 – 6 gradë celsius, ndërsa më të lartat nga 16 deri në 19 gradë.
Ndryshe nga e marta, të mërkurën do të ketë sërish mot me diell e vranësira të shpërndara. Megjithatë temperaturat parashihen të jenë më të ulëta. Nga 4 deri në 7 gradë celsius minimalet dhe nga 12 deri në 15 gradë celsius maksimalet e ditës.
Edhe
Temperaturat zbresin deri në 2 gradë javën e ardhshme
Edhe të enjten do të ketë mot me diell e vranësira të shpërndara që mund të sjellin riga shiu.
Temperaturat minimale do të ulën në -1 dhe -2 gradë celsius, ndërsa maksimalet nga 9 deri në 12 gradë.
Ndërsa të premten moti do të jetë kryesisht me diell, por me temperatura të ngjashme sikurse një ditë më parë.
