Ish-truproja i Sali Berishës, Izet Haxhia, është shpallur fajtor për vrasjen e ish-deputetit të Partisë Demokratike, Azem Hajdarit, raporton TopChannel.
Në vendimin e gjykatës, thuhet se Haxhia u shpall fajtor për kryerjen e veprës penale “Vrasje me paramendim e kryer në bashkëpunim dhe në bazë të nenit 78/2 e 25 të K.Penal, dënimin e tij me 21 vite burgim”.
Ai do ta kryejë dënimin në një burg të sigurisë së zakonshme.
Gjykata thotë se atij, do t’i llogaritet edhe koha e qëndrimit të tij në arrest në burg, si dhe duke vuajtur dënimin.
Azem Hajdari u vra me armë zjarri jashtë godinës së selisë së PD-së në Tiranë, më 12 shtator 1998.
Edhe
Arbër Havolli dënohet me 20 vjet burgim për vrasjen në Llapashticë të Podujevës
Haxhia u arrestua në Turqi në vitin 2006, pasi ishte në listën e të kërkuarve të Interpol Tiranës. Ai kërkoi strehim politik në Turqi, me argumentin se i rrezikohej jeta, por më 2018 Gjykata e Lartë Turke aprovoi ekstradimin e tij drejt Shqipërisë.
Që nga 2018-a Haxhia nisi betejën me drejtësinë shqiptare, ndërsa seancat ndaj tij kanë qenë të panumërta.
