Inspektorati i tregut në aksion për verifikim të çmimeve, masa ndëshkuese ndaj shkelësve të ligjit

Inspektorati Qendror i Mbikëqyrjes së Tregut, që vepron në kuadër të Ministrisë së Industrisë, Ndërmarrësisë, Tregtisë dhe Inovacionit, ka njoftuar se javën e fundit ka ndërmarrë një aksion të gjerë inspektimesh në tërë territorin e Republikës së Kosovës, me qëllim verifikimin e çmimeve, kontrollin e flamujve të origjinës së produkteve, si dhe saktësinë e deklaracioneve të vendosura për konsumatorët.

Në njoftim thuhet se përmes këtyre kontrolleve synohet garantimi i transparencës në treg dhe sigurimi i një mjedisi të drejtë dhe të besueshëm për qytetarët.

Në njoftim thuhet se ndaj operatorëve që kanë vepruar në kundërshtim më ligjin janë ndërmarrë masa ndëshkuese, por nuk janë dhënë detaje për numrin e operatorëve. 

“Ndaj të gjithë operatorëve ekonomikë, që janë konstatuar se kanë vepruar në kundërshtim me ligjin, janë ndërmarrë masa ndëshkuese në përputhje me dispozitat ligjore në fuqi”, thuhet në njoftim.