Inspektorati i Drenasit në terren për “lirim të hapësirës publike”, pronari i restorantit akuzon për “inate politike”

Inspektorët së bashku me Policinë të hënën në mëngjes kanë dalë te restoranti “Peshkopia” në Drenas që është pronë e babait të asamblistët të PDK-së, Arigon Sinani, Selman Sinani. 

Me arsyetimin e lirimit të hapësirave publike, sipas asamblistit Sinani, Komuna po do të ia gërryejë hapësirën deri te dera e lokalit.

Sipas pronarit, Selman Sinani, kjo po bëhet për të ia pamundësuar qasjen në lokal dhe për inate politike, pasi i biri “nuk ka votuar në disa çështje në asamblenë komunale sipas dëshirës së kryetarit të Komunës, Ramiz Lladrovcit”.

I pyetur nga KOHA drejtori i Inspeksionit Petrit Sinani, ka thënë se nuk ka “çka të komentojë” dhe se vetëm po e “zbaton vendimin e Gjykatës”. 

KOHA ka provuar që të marrë edhe një përgjigje nga kryetari i Drenasit Ramiz Lladrovci, por në Komunë kanë thënë se ai është jashtë vendit.

VIDEO: