Kryeministri i Kosovës, Albin Kurti ka njoftuar se janë identifikuar mbetjet mortore edhe të tre personave nga “Grupi i Intelektualëve” nga gërmimet që janë zhvilluar në Kalludër dhe Jabukë.
Sipas njoftimit të kryeministrit është bërë identifikimi i Adem (Fazli) Ademi, Fatmir (Bajram) Fazliu, dhe Ali (Islam) Haliti, pjesë e Grupit të Intelektualëve.
Kurti ka shkruar në njoftimin në Facebook se për këtë është njoftuar nga Komisioni Qeveritar për Persona të Zhdukur.
“Pas identifikimeve të para nga mbetjet mortore të zhvarrosura në Kalludër dhe Jabukë, nga Komisioni Qeveritar për Persona të Zhdukur u informova se janë pranuar raporte të reja të ADN-së, mbi bazën e të cilave janë identifikuar Adem (Fazli) Ademi, Fatmir (Bajram) Fazliu, dhe Ali (Islam) Haliti, pjesë e Grupit të Intelektualëve”, ka bërë të ditur Kurti.
Ai ka thënë gjithashtu se janë informuar edhe familjet e tye derisa ka shprehur ngushëllime për familjarët.
“Komisioni, bashkë me institucionet tjera përkatëse, tashmë i ka informuar familjet e tre intelektualëve dhe veprimtarëve të njohur të çështjes kombëtare, të cilët në prillin e vitit 1999 u rrëmbyen nga forcat e armatosura serbe dhe u zhdukën me dhunë. Ndajmë dhimbjen me familjet dhe u shprehim ngushëllimet më të sinqerta”, ka thënë Kurti.
-
Konfirmohen mbetjet mortore të treshes së “Grupit të Intelektualëve”
-
Identifikohen tri viktima nga varrezat në Zubin-Potok, i përkasin “Grupit të Intelektualëve”
-
Identifikohen mbetjet mortore të dy personave, s’kanë të bëjnë me zhvarrosjet në Zubin-Potok
-
Kurti: Zbardhja e fatit të të zhdukurve, i hapë rrugë kërkimit të drejtësisë
-
Kurti: 23 mbetjet mortore në Zubin-Potok përkojnë me “grupin e intelektualëve”