Zëvendëskryeministri i Kosovës, Enver Hoxhaj ka reaguar ndaj qëndrimeve të shteteve mos-njohëse të BE-së lidhur me transformimin e FSK-së në Forcat e Armatosura.
Në një postim në Twitter ka thënë se shqetësimi kryesor i këtyre vendeve duhet të jetë njohja e Kosovës dhe jo vendimmarrja e një shteti Sovran sikurse është Kosova.
“Shtetet anëtare të BE-së që janë duke vonuar padrejtesisht njohjen e pavarësisë së Kosovës janë duke kontribuar në destabilizim të rajonit. Ato nuk duhet të brengosen me punët dhe vendimet e brendshme të Kosovës. Mosnjohja është problemi, jo ushtrimi i sovranitetit nga ana e Kosovës” ka shkruar Hoxhaj në Twitter.
Reagimi i zëvendëskryeministrit, njëherësh zëvendëskryetar i PDK-së erdhi pas deklaratave të forta të ministrit të jashtëm të Sllovakisë, Miroslav Lajcak i cili deklaroi se Kosova nuk e ka mbështetjen e aleatëve për formimin e ushtrisë.
“Pozicioni i BE-së është i qartë që ushtria të bëhet në koordinim me institucionet dhe Kushtetutën, ata kanë thënë se duhet edhe mbështetje ndërkombëtare, gjë të cilën momentalisht nuk e ka Kosova”, ka thënë ministri i jashtëm sllovak”.
-
Dialogu mund ta ndryshojë qasjen e vendeve që s’e kanë njohur Kosovën
-
Hoxhaj: BE-ja të flasë me një zë për Kosovën dhe të garantojë proces të drejtë integrues për Ballkanin Perëndimor
-
Hoxhaj: Mosnjohja nga pesë vende të BE-së, sfidon agjendën e Kosovës
- Kundërthëniet brenda BE-së dhe ndikimi në terren (3)
-
Hoxhaj: E humbëm shansin historik për marrjen e njohjeve