Deputetja e Vetëvendosjes, Albulena Haxhiu, ka reaguar pas vdekjes së sotme të një punëtori 41-vjeçar nga kompania Bechtel Enka.
Ka thënë se kjo kompani, punëtorët e vet i trajton sikur skllevër, ka akuzuar drejtorët se u japin atyre paga të vogla dhe se punëtorët nuk kanë fare kushte të mira për punë, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoHaxhiu ka kërkuar që çështjen e të vdekurve nga kjo kompani, dhe nga të gjitha kompanitë e tjera, Kuvendi të merret urgjentisht me to, pasi sipas saj, Qeveria nuk po interesohet fare për jetën e tyre.
“Edhe sot paska humbur jetën në vendin e punës një punëtor i Bechtel Enkes. Kjo kompani i trajton punëtoret sikur të ishin skllevër: me paga të vogla, me mungesën e kushteve për punë e me shkelje të të drejtave. Ndërkohë kjo kompani është favorizuar vazhdimisht nga Shteti”, ka shkruar Haxhiu në Facebook.
Tutje ajo ka thënë se “Humbja e jetës në vendin e punës është bërë normale dhe çdo jetë e humbur po kalon në harresë. Qeveria e cila nuk brengoset për nivelin e lartë të papunësisë e varfërisë, nuk shqetësohet as për të drejtat e të punësuarve dhe hesht e nuk vepron as kur dikush nga ta humbet jetën. Qeveria nuk interesohet për jetën e qytetarit”
“Janë dhjetëra punëtorë që kanë humbur jetën në vendin e punës dhe askush, asnjëherë, nuk dha përgjegjësi. Inspektorati i Punës duhet sa më parë të sjellë raport në Kuvend, në lidhje me vdekjet e punëtorëve në kompaninë Bechtel Enka dhe në kompanitë e tjera. Kuvendi urgjentisht duhet të merret me këtë çështje.