Lidershipi i Komunës së Prizrenit ka shprehur habinë me pretendimet e degës së PDK-së për gjendjen në arsimin komunal, duke theksuar se pikërisht ky subjekt e ka degraduar më së shumti këtë sektor.
Sipas kryetarit të Komunës, Mytaher Haskuka pasojat e degradimit njëdekadësh mund të vërehen ende në arsimin e Prizrenit. Megjithëkëtë, ai ka shprehur qëndrimin se gjatë këtij mandati qeverisës ka pasur avancim të arsimit në shumë aspekte, shkruan sot Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Vetë PDK-ja derisa ka qenë në qeverisje ka krijuar probleme të shumta në fushën e arsimit, e madje edhe skandale si rasti i keqpërdorimit të fondeve në manifestimin e javës ‘Remzi Ademaj’. Pasojat nga degradimi i bërë nga ata në fushën e arsimit mund të vërehen edhe sot e kësaj dite. Është e habitshme se si pikërisht aty ku kanë degraduar më së shumti, tani marrin guximin që të kritikojnë”, ka thënë Haskuka, duke u përgjigjur në akuzat e bëra nga dega e PDK-së në Prizren.
Ai ka pohuar se pavarësisht gjendjes së trashëguar janë bërë hapa drejt përmirësimit.
(shkrimin e plotë e gjeni sot në “Koha Ditore”)