Kryeministri i Kosovës, Ramush Haradinaj përmes një postimi në Facebook ka uruar besimtarët për krishtlindjet ortodokse.
Ai thotë se festat fetare u kanë shërbyer qytetarëve për të kultivuar solidaritetin ndërmjet tyre, transmeton Koha.net.
Në Facecook ai ka shkruar:
Të gjithë qytetarëve të Kosovës, që besojnë në krishterim, gëzuar për shumë mot krishtlindjet ortodokse.
Me këtë rast, i uroj edhe ata të huaj që shërbejnë në misionet e ndryshme ndërkombëtare në vendin tonë, si dhe të gjithë të krishterët e ritit ortodoks.
Edhe
Liderët kosovarë urojnë qytetarët e besimit ortodoks
Festat fetare gjithmonë u kanë shërbyer qytetarëve të Kosovës, por edhe të gjithë njerëzve vullnetmirë, për ta kultivuar solidaritetin ndërmjet tyre, si dhe hyjnoren brenda tyre!
Krishtlindjet ortodokse i kremtofshi në paqe me familjet tuaja, me mirësi e begati.
