Haradinaj uron Pashkët ortodokse

Kryeministri i Kosovës Ramush Haradinaj, ka uruar besimtarët ortodoksë për festën e Pashkëve.

“Shqiptarëve dhe të gjithë bashkëqytetarëve tjerë ortodoksë të Kosovës, si dhe pjesëtarëve të institucioneve ndërkombëtare të këtij besimi që punojnë në vendin tonë, për shumë mot Pashkët”, ka shkruar Haradinaj në Facebook.

“Kjo festë e ringjalljes na frymëzon për të qenë kurdoherë në anën e të mirës, të së drejtës dhe na ofron mundësinë për të rritur unitetin dhe tolerancën ndërmjet njerëzve. Me shëndet Pashkët ortodokse!”, ka përfunduar ai.