Kryeministri i Kosovës, Ramush Haradinaj, ka urdhëruar ministrat e kabinetit të tij qeveritar që të raportojnë në formë të shkruar për çdo vizitë jashtë vendit që do të bëjnë tash e tutje.
Haradinaj ka thënë se është detyruar ta marrë këtë vendim në mënyrë që sipas tij të kryhet puna me nder.
Ai ka kërkuar nga vartësit e tij që këtë rregull ta dërgojnë tek stafi i tyre dhe të raportojnë se me kënd udhëtojnë, sa është stafi që udhëton dhe qëllimin e udhëtimit.
