Kreu i AAK-së, Ramush Haradinaj, ka ftuar Prokurorinë që të hetojë faturat e energjisë.
Në një postim në Facebook, Haradinaj, ka thënë se qytetarët kanë pranuar fatura të fryra të energjisë përtej çdo tarife, kategorie apo kriteri.
Ai i është drejtuar kryeministrit të Kosovës, Albin Kurti, duke thënë se: “Kriza nuk zgjidhet me punësime enorme të militantëve partiakë”.
“Kryeministër kriza energjetike në Kosovë nuk zgjidhet me punësimin enorm të militantëve partiakë e as të atyre që sipas teje janë për dasma e kanagjegje. A je i vetëdijshëm se faturat e energjisë pas shtrenjtimit në shumë raste e tejkalojnë dyfishin, e ka dyshime serioze se ato janë fryrë përtej çdo tarife, kategorie apo kriteri. Sot kur është e qartë se qytetarët kanë mbetur krejtësisht vetëm, ftoj organet e hetuesisë që krahas hetimeve për punësime abuzive në KEK, të fillojnë hetimet edhe për faturat e fundit të energjisë. Ka dyshime serioze që qytetarët janë vjedhur”, ka shkruar Haradinaj në Facebook.
-
Haradinaj: Ne e trajtuam energjinë si çështje të sigurisë kombëtare
-
Haradinaj: Rritja e çmimit të rrymës, goditje për qytetarët dhe shpërblim për të afërmit e pushtetit
-
Haradinaj: Qytetarëve t’u kthehen paratë që ua morën përmes faturave të fryra të energjisë
-
Haradinaj dyshon që situata me rrymën u krijua për të përfituar “mafia energjetike”
-
Haradinaj: Gjendja me rrymën alarmante, investimi në kapacitete të reja është urgjent