Haradinaj: Planin evropian e mbështetëm për vendin dhe jo për kalkulime elektorale

Propozimit evropian i ka dhënë mbështetje Aleanca për Ardhmërinë e Kosovës. Në pranimin e këtij propozimi ka luajtur rol të madh SHBA-ja, ka thënë kreu i kësaj partie, Ramush Haradinaj

Haradinaj ka thënë se propozimin e ka mbështetur pasi shënon një kapitull të rëndësishëm “për njohjen edhe 'de jure' të Kosovës”.

Ai ka vlerësuar se pranimi i planit ka qenë më e mira e mundshme.

“Kjo mbështetje është bërë ekskluzivisht për vendin dhe pa kurrfarë kalkulimi elektoral.

Këto janë momente jetike për të ardhmen e Kosovës, prandaj kërkohet një unitet politik, i cili në asnjë rrethanë nuk mund të kuptohet si mbështetje për individin”.

Edhe Arbëri 9 mar 2023 Haradinaj: Kushdo që e kundërshton propozimin evropian i bën dëm vendit

Megjithë mbështetjen që i ka dhënë, Haradinaj është treguar edhe kritik për qeverisjen e kryeministrit Albin Kurti. Ka thënë se duhet të sqarohen e adresohen të gjitha shqetësimet e opinionit publik që kanë të bëjnë me aneks-marrëveshjen e cila ende nuk është bërë publike.

“Gjithmonë do të kemi kohë t'i diskutojmë kusuret e Kryeministrit dhe të qeverisjes së tij katastrofike në planin e brendshëm. Natyrisht, mbetet edhe shumë punë për tu bërë, në mënyrë që krejt ky proces kaq i rëndësishëm, të mos degradojë e të finalizohet me sukses”.