Për arrestimin e tre të dyshuarve në rastin e sulmit në Gllogjan, ish-kryeministri Ramush Haradinaj ka deklaruar se është mesazh që askush s'mund të fshihet pas krimit. Haradinaj shkroi në Facebook se i përgëzon organet e rendit për punën.
“Përshëndes kapjen e të dyshuarve për krimin që ndodhi në Gllogjan disa javë më parë. Ky është një mesazh i qartë se askush nuk mund të fshehet pas krimit dhe se drejtësia do të arrijë te secili. Organet e rendit dhe drejtësisë i përgëzoj për punën e tyre intensive në dobi të ndriçimit të rastit që na ka tronditur të gjithëve”, thuhet në statusin e tij.
Tre persona janë arrestuar për vrasjet e 26 nëntorit në Gllogjan të Deçanit, ka konfirmuar Prokuroria Themelore e Pejës të shtunën në mbrëmje.
Në një konferencë të jashtëzakonshme për media, Agim Kurmehaj, kryeprokuror i Prokurorisë Themelore në Pejë, ka thënë se prokurorja e çështjes ka lëshuar vendimin për ndalim për 48 orë për të arrestuarit.
-
Haradinaj: Organet e rendit sa më parë të kapin autorin e krimit në Gllogjan
-
Sot një vit nga vrasja e trefishtë në Gllogjan, Prokuroria ende në fazën e hetimeve
-
Një muaj paraburgim ndaj të dyshuarit të katërt për vrasjen e trefishtë në Gllogjan
-
Arrestohet edhe një person për vrasjet në Gllogjan ku vdiqën shoferi e dy nxënës
-
Kalon në arrest shtëpiak njëri nga tre të arrestuarit për vrasjet në Gllogjan