Prokuroria konfirmon arrestimin e tre personave për vrasjet në Gllogjan
21:43
Prokuroria konfirmon arrestimin e tre personave për vrasjet në Gllogjan
Tre persona janë arrestuar për vrasjet e 26 nëntorit në Gllogjan të Deçanit, ka konfirmuar Prokuroria Themelore e Pejës të shtunën në mbrëmje.
Në një konferencë të jashtëzakonshme për media, Agim Kurmehaj, kryeprokuror i Prokurorisë Themelore në Pejë, ka thënë se prokurorja e çështjes ka lëshuar vendimin për ndalim për 48 orë për të arrestuarit.
Ai ka thënë se për shkak të ndjeshmërisë s’mund të jepet asnjë detaj tjetër. Është zotuar se pas arrestimit të të dyshuarve, do të vazhdohet me ndërmarrjen e të gjitha veprimeve të nevojshme për ndriçimin e rastit.
Më 26 nëntor, si pasojë e të shtënave në drejtim të një autobusi që shkonte nga Gjakova mbetën të vdekur shoferi dhe dy nxënës.
20:10
Tre të arrestuar për vrasjet në Gllogjan
Saranda Ramaj
Tre persona janë arrestuar për vrasjet e 26 nëntorit në Gllogjan të Deçanit, ka mësuar KOHA.
Prokuroria e Shtetit ka thirrur për konferencë të jashtëzakonshme për media të shtunën me fillim prej orës 21:30.
Më 26 nëntor, si pasojë e të shtënave në drejtim të një autobusi që shkonte nga Gjakova mbetën të vdekur shoferi dhe dy nxënës.
