Kryetari i Aleancës për Ardhmërinë e Kosovës (AAK), Ramush Haradinaj, ka takuar ambasadorin e ri të Bashkimit Evropian në Kosovë, Aivo Orav, me të cilin tha se diskutuan mbi nevojën e avancimit drejt integrimit evropian.
Haradinaj ka shkruar në Facebook se Kosova duhet t’i kthehet kursit të saj drejt integrimit euroatlantik, e shtoi se “AAK-ja është e angazhuar në agjendën integruese”.
Sipas kreut të partisë opozitare, rrugëtimi i Kosovës duhet të kulmojë me anëtarësim në NATO dhe në Bashkimin Evropian.
“Sot, mirëprita në takim njoftues Ambasadorin e BE-së në Kosovë, z. Aivo Orav. Ambasadorit i urova mirëseardhje në vendin tonë, si dhe shpreha nevojën për avancimin e vendit tonë drejt integrimit në BE. Si Aleancë, konfirmova angazhimin tonë në agjendën integruese dhe përkrahjen e reformave të nevojshme që vendi ynë duhet t’i shtyjë përpara. Theksova se, Kosova duhet t’i kthehet kursit të saj drejt integrimit euro-atlantik. Ky rrugëtim duhet të kulmojë me anëtarësim në NATO dhe BE”, thuhet në statusin e Haradinajt.
-
Haradinaj: Kosova ta zbatojë planin franko-gjerman, s'mund të mbetet peng i destruktivitetit të Serbisë
-
Haradinaj bën thirrje për bashkim: Kosova në gjendje të rënduar ekonomike e politike
-
Orav-Konjufcës: Momenti për të avancuar në rrugën evropiane
-
Oravi uron Kurtin: Dakordohen të punojnë për reforma për rrugën evropiane të Kosovës
-
Haradinaj në Petangon: Tani është koha e duhur për anëtarësimin e Kosovës në NATO