Kryeministri i Kosovës, Ramush Haradinaj, thotë se gjatë vizitës zyrtare në Londër, ka takuar Ministrin e Shtetit për Forca të Armatosura të Britanisë së Madhe, Mark Lancaster, të cilin, siç thotë ai, e ka falënderuar për bashkëpunimin dhe përkrahjen e vazhdueshme të Britanisë së Madhe në forcimin e subjektivitetit ndërkombëtar për Kosovën.
“Me Ministrin Lancaster biseduam për zhvillimet e përgjithshme politike dhe të sigurisë në Kosovë e më gjerë si dhe kërkova mbështetjen e Britanisë së Madhe për Forcën e Sigurisë së Kosovës dhe procesin e tranzicionit të saj në Forca të Armatosura të Kosovës”, shkruan Haradinaj.
“Shqyrtimi i mundësive për pjesëmarrjen e forcës sonë në operacionet paqeruajtëse në kuadër të trupave ushtarake britanike ishte poashtu një temë e diskutimit. Marrëdhëniet bilaterale të shkëlqyera mes dy vendeve tona do të thellohen edhe me tepër në të ardhmen dhe e sigurova Ministrin Lancaster se Kosova mbetet e palëkundur ne drejtimin e saj drejt anëtarësimit te plotë në NATO dhe BE”, përfundon ai.
-
Haradinaj i kërkon mbështetje Britanisë së Madhe për të gjitha proceset nëpër të cilat po kalon Kosova
-
Haradinaj: Britania e Madhe ka rol të rëndësishëm për Kosovën
-
Haradinaj informon ambasadorët për rrugën e FSK-së drejt transformimit në Ushtri
-
Britania kontribuon që Kosova të jetë kontribuuese në sigurinë rajonale dhe botërore
-
Haradinaj viziton Parlamentin britanik